தினசரி சாப்பிட வேண்டிய காய்கறிகள்

பீர்க்கங்காய்: 

'டோரி' என்றும் அழைக்கப்படும்.

• இந்த காயில் நார்ச்சத்து, வைட்டமின்கள்-சி, ஏ, இரும்பு, மெக்னீசியம் போன்ற அத்தியாவசிய ஊட்டச்சத்துக்கள் நிறைந்துள்ளன. 

• இதனை தினசரி உணவில் சேர்த்துக் கொள்வது செரிமானத்தை மேம்படுத்துவதற்கும், நோய் எதிர்ப்பு சக்தியை அதிகரிப்பதற்கும் துணை புரியும்.

கோவைக்காய்: 

• வைட்டமின்கள்-ஏ, சி, பி-காம்ப்ளக்ஸ் போன்ற வைட்டமின்களால் இந்த காய் நிரம்பியுள்ளது. 

• கால்சியம், பாஸ்பரஸ், இரும்பு போன்ற அத்தியாவசிய தாதுக்களும் நிறைந்துள்ளது. 

• அவை எலும்பு ஆரோக்கியத்திற்கும், ரத்த ஓட்டத்திற்கும் நன்மை பயக்கும்.

வெண்டைக்காய்:

'பிந்தி', 'லேடி பிங்கர்' என்றும் அழைக்கப்படும்.

• இது குறைந்த கலோரிகள் மற்றும் அதிக நார்ச்சத்து கொண்ட சுவையான காய்கறியாகும்.

• உடல் எடை மேலாண்மைக்கும், செரிமானத்துக்கும் நன்மை பயக்கும்.

•  வைட்டமின்கள்-ஏ, சி, பொட்டாசியம் மற்றும் ஆன்டி ஆக்சிடென்டுகள் மிகுந்தது. 

• உடலின் இணைப்பு பகுதிகளில் ஏற்படும் வீக்கத்தைக் குறைக்கவும், இதய ஆரோக்கியத்தை மேம்படுத்தவும் உதவும்.

பாகற்காய்: 

• தனித்துவமான கசப்பான சுவை கொண்ட இந்த காய் ரத்த சர்க்கரை அளவை குறைக்கவும், செரிமானத்தை மேம்படுத்தவும், நோய் எதிர்ப்பு சக்தியை அதிகரிக்கவும் வழிவகுக்கும்.

•  பாகற்காயில் வைட்டமின்கள்-ஏ, சி, கே, இரும்புச்சத்து மற்றும் நார்ச்சத்து ஆகியவை அபரிமிதமாக நிறைந்துள்ளன.

புடலங்காய்: 

• குறைந்த கலோரிகள் மற்றும் அதிக நார்ச்சத்து கொண்ட இந்த காய், எடை மேலாண்மையை நிர்வகிக்கவும், செரிமான ஆரோக்கியத்திற்கும் உதவிடும் சிறந்த காய்கறியாகும். வைட்டமின்-சி போன்றவைகளும் நிறைந்திருப்பது கூடுதல் பலம் சேர்க்கும்.

சுரைக்காய்: 

• இதனை அன்றாட உணவில் சேர்த்துக் கொண்டால் அபரிமிதமான ஆரோக்கிய நன்மைகளை பெறலாம். 

• இதில் கலோரிகள் குறைவாகவும், நீர்ச் சத்து அதிகமாகவும் இருப்பதால் நீரேற்றத்துக்கும், உடல் எடை குறைப்புக்கும் சிறந்தது. 

• மேலும் சுரைக்காயில் வைட்டமின்கள்-சி, கே, கால்சியம், மெக்னீசியம் போன்றவையும் நிறைந்துள்ளன. 

• ஒட்டு மொத்த ஆரோக்கியத்தையும், செரிமானத்தையும் மேம்படுத்தும்.

வெள்ளைப்பூசணி:

• மிகக் குறைந்த கலோரிகள் மற்றும் அதிக நார்ச்சத்து கொண்ட இதுவும் உடல் எடை குறைப்புக்கு வழிவகுக்கும் ஊட்டச்சத்துக்கள் கொண்டது. 

• இதில் வைட்டமின்கள்-ஏ, சி போன்றவை மிகுந்துள்ளன.

• இதய ஆரோக்கியம் மற்றும் தசை செயல்பாட்டிற்கு முக்கியமான பொட்டாசியம், மெக்னீசியம் போன்ற தாதுக்களும் நிறைந்துள்ளன.

இவைகளில் ஒன்றையாவது தினசரி உணவில் இடம் பெற செய்வது ஆரோக்கியத்திற்கு நலம் சேர்க்கும். உடலின் ஊட்டச்சத்து தேவைகளையும் பூர்த்தி செய்யும்.